Liäbi Theaterbsuächär und Theaterbsuächerinnä

Miär spillid: "Spaat-Herbscht" vom Hans Stalder.
Uberarbeitet i Nidwoudner Dialäkt vom Klaus Odermatt.
 

Um was gahts?

Dr Polizischt Grunder hed mängs gseh i seynnä Diänstjahre. Sey
Frai isch friäh gstorbä und är hed de, nach seynner Pänsionierig,
seys eifachä Huis imenä Ussä-Quartiär vo dr Stadt aus ä Art
Herberg fir obdachlosi Landstreycher iigrichted. Fir gstrandeti
Leyt wo nid chasch ines Heim versorgä, wo aber epä einisch gärn
äs warms Ässä hättid oder, wenn’s muäss sey, äs Dach uberem
Chopf und äs warms Näscht bruichid. Sey 20-jährig Tochter Heidi findt das aber gar nid luschtig, immer diä Gloschare idr eigenä Hittä innä, sie schämt sich fir diä Zuäständ. Und s Grunder’s Frind, dr Bärtschi, nu aktivä Polizischt, schleppt immer nu meh zuächä. Bis är de einisch midäm Marti dethäre chund. Dr Marti und s’Heidi gfindid schneu Gfauä anenand. Dass passt etz
aber im Vater Grunder gar nid. Är kennd dä Marti vo friächer und weiss meh...
Dr Hächler, wo ai immer umästurned, isch mid sich und seynnä Problem beschäftiged und bringd de aber gnai mid seynnä Sprich und Ideeä diä verfahreni Situation zunerä guätä Leesig.
Miär Woufäschiässer Theaterleyt freyid eys, wemmer eych mid
derä scheenä Gschicht, vo äifachä, schreegä Mänschä, wo nid
immer uf dr Sunneseytä vom Läbe stend, guäd chenid unter-
hautä.
 

Spieldatä:

Samstag        30.04.2022          20:00 Uhr
Sonntag         01.05.2022          17:00 Uhr
Mittwoch        04.05.2022          20:00 Uhr
Freitag            06.05.2022          20:00 Uhr
Samstag         07.05.2022          20:00 Uhr
Donnerstag    12.05.2022          20:00 Uhr
Freitag            13.05.2022          20:00 Uhr
Samstag         14.05.2022          20:00 Uhr
 

Start Vorverkauf:
Montag, 21.03.2022
 

→ Download Theaterprogramm 2022